ഷിക്കാഗോ: ചങ്ങനാശേരി സെന്റ് ബെര്ക്ക്മാന്സ്, അസംപ്ഷന് കോളജ് പൂര്വവിദ്യാര്ഥി അസോസിയേഷനുകള് സംഘടിപ്പിക്കുന്ന അമേരിക്കയിലെ പ്രഥമ ദേശീയ കണ്വന്ഷന് വ്യാഴാഴ്ച ഷിക്കാഗോയില് നടക്കും.
നോര്ത്ത് അമേരിക്കയില് ആദ്യമായി സംഘടിപ്പിക്കുന്ന പൂര്വവിദ്യാര്ഥി സംഗമത്തിന്റെ ഒരുക്കങ്ങള് പൂര്ത്തിയായതായി കണ്വന്ഷന് ചെയര്മാന് മാത്യു ദാനിയേല് അറിയിച്ചു. അമേരിക്കയിലും കാനഡയിലുമുള്ള മുന്നോറില്പ്പരം പ്രതിനിധികള് പങ്കെടുക്കുന്ന അര്ധദിന കണ്വന്ഷന്, ബെന്സെന്വില് സേക്രട്ട് ഹാര്ട്ട് ഓഡിറ്റോറിയത്തില് രാവിലെ എട്ടിന് ആരംഭിച്ച് ഉച്ചക്ക് ഒന്നിന് സമാപിക്കും.
എസ്ബി കോളജിന്റെ പൂര്വവിദ്യാര്ഥികളായ കര്ദിനാള് ജോര്ജ് ജേക്കബ് കൂവക്കാട്, ചങ്ങനാശേരി ആര്ച്ച്ബിഷപ് മാര് തോമസ് തറയില്, കേരള ഗവണ്മെന്റ് പ്രിന്സിപ്പൾ സെക്രട്ടറി രാജു നാരായണസ്വാമി എന്നിവര് വിശിഷ്ടാതിഥികളായി പങ്കെടുക്കും.
എസ്ബി കോളജ് പ്രിന്സിപ്പൾ ഫാ.ഡോ. റ്റെഡി തോമസ് കാഞ്ഞൂപ്പറമ്പില്, അസംപ്ഷന് കോളജ് പ്രിന്സിപ്പൾ ഡോ. റാണി മരിയ തോമസ് എന്നിവരും കണ്വന്ഷനില് പങ്കെടുക്കും. ഫാ.ഡോ. ജോര്ജ് മഠത്തിപ്പറമ്പില് പ്രസംഗിക്കും.
മെഡിക്കല്, എന്ജിനീയറിംഗ്, നഴ്സിംഗ്, ശാസ്ത്ര-സാങ്കേതികം, ബിസിനസ്, സ്റ്റേറ്റ്/കമ്യൂണിറ്റി സര്വീസ് എന്നി വിവിധ മേഖലകളില് അമേരിക്കയില് ഉന്നതസേവനം ചെയ്തു വ്യക്തിമുദ്ര പതിപ്പിച്ച തെരഞ്ഞെടുക്കപ്പെട്ട പൂര്വവിദ്യാര്ഥികളെ കണ്വന്ഷനില് ആദരിക്കും.
Deepika
E-paper LOGIN
LOGIN
